Eksploro. Zbulo. Posedo.

Nën këtë moto vjen, për herë të parë në Shqipëri, panairin ndërkombëtar të Pasurive të Paluajtshme Global Real Extate Fair 2024, i cili mbahet në Piramidën e Tiranës, nga data 12 deri në 14 Qershor. Ky aktivitet risi dhe i rëndësishëm përfaqëson ndikimin e përbashkët e të pandarë midis kulturës dhe tregtisë, duke vënë në pah lulëzimin e tregut të pasurive të paluajtshme në vëndin tonë, ku transaksionet arritën në 1.3 miliardë euro vitin e kaluar. Duke sjellë së bashku profesionistë dhe vizionarë të industrisë nga e gjithë Evropa, panairi krijon një mjedis të pasur për aleanca strategjike dhe njohuri në dinamikën socio-ekonomike të pasurive të paluajtshme. Ky panair ju fton të përfshiheni në një botë të paraqitjeve inovative të listimeve, teknologjisë së pronës dhe diskutimeve mbi zhvillimin e qëndrueshëm, duke e bërë këtë panair një platformë vendimtare për rritjen profesionale dhe avancimin e industrisë.

Agjencia e Ndërmjetësimit të Pasurive të Paluajtshme MARSIAL Real Estate do të jetë pjesëmarrëse në këtë event së bashku me partnerët me të cilët bashkëpunon ndër vite. Emri i bashkëpunimit është Partners in Real Estate Albania dhe përbëhet edhe nga 4 agjenci të tjera të të njëjtës fushë: Dielli Real Estate, Green Eyes Real Estate, Golden Home Albania dhe A2B Property and Tours.

Me një eksperiencë mbi 15 vjeçare në tregun e pasurive të paluajtshme, Agjensia MARSIAL ka ndërtuar një reputacion të fortë për besueshmëri dhe profesionalizëm në të gjitha aktet dhe transaksionet me pronat. Qëllimi i këtij bashkëpunimi është t’i vijë në ndihmë klientëve me më shumë variacion kërkesash dhe ofertash në tregun e pasurive të paluajtshme, duke siguruar që çdo nevojë dhe preferencë e tyre të plotësohet nga ne apo nga partnerët tanë të besuar.

Mirëpresim të gjithë miqtë dhe klientët tanë të na vizitojnë pranë stendës sonë dhe, pse jo, edhe në bashkëpunime të mëtejshme. MARSIAL Real Estate, Agjensia juaj e Pronave!

Postimi MARSIAL Real Estate x Global Real Extate Fair Tirana u shfaq në fillim në MARSIAL.

Çmimi i apartamenteve në Tiranë në 5 vitet e fundit ka pësuar rritje në vlerën 30-40 % për ndërtimet në qendër dhe 10% për ato në periferi.

Në ndërtimet e reja, kryesisht komplekse apo kulla në zonat pranë qendrës së kryeqytetit, çmimet e apartamenteve të banimit variojnë nga 1200 – 4000 euro për metër katror.

Ajo çfarë vihet re është se çmimet e shitjes janë 2-3 fishi i çmimit të referencës për metër katror.

E thënë më konkretisht, nëse kërkon të blesh një apartament pranë liqenit artificial çmimi varion nga 1600- 2200 euro për metër katror, në varësi të pozicionit të apartamentit, teksa çmimi i referencës në këtë zonë është 107 000 lekë të reja.

Çmimi i një apartamenti 100 metër katror në ndërtimet e reja pranë qendrës, varion nga 120 000 – 400 000 euro.

Sipas Lefter Sila, përfaqësues i një agjencie imobiliare në Tiranë, ky çmim vjen si pasojë e ofertës së paktët për shkak të mungesës së lejeve të ndërtimit për një periudhë 5 vjeçare.

“Në 2019 rritjet kanë qenë 30-40 % vetëm për ndërtimet që janë pas vitit 2015, ndërsa ndërtimit para 2015 kanë një rritje 10%. Kjo ndodh se për 5 vite nuk ka pasur fare leje ndërtimi në Tiranë , kështu që oferta ka qenë shumë e paktë”,- tha Sila.

“Për ndërtimet që janë në ndërtim e sipër pagesa bëhet me pjesë 30,40,50% deri sa përfundon pallati, ndërsa pronat që kanë hipotekë bëhet më shumë me bankë e më pak kesh. Ato që blejnë janë biznesi i fuqishëm, kurse larg qendrës blejnë shtresa që vijnë nga rrethet”,- u shpreh Lefter Sila në lidhje me klientët e apartamenteve në kulla dhe mënyrës se si paguhen ato.

Në një analize të thjeshtë te tregut mund te thuhet se në Shqipëri ka një hendek të madh të çmimeve të ulëta dhe atyre të larta.

Sipas kësaj analize çmimet në Shqipëri janë të ulëta në vendndodhje periferike me mungesë infrastrukture publike dhe me akses të vështirë të transportit publik. Ndërsa çmimet më të larta në godina të qendrës së kryeqytetit janë të krahasueshme me vende si Beogradi e Lubjana që përfaqësojnë ekonomi shumë herë më të zhvilluara se tonat dhe me të ardhura më të larta për frymë.

Në vendin tonë niveli i lartë i çmimeve u përket kryesisht projekteve të reja në proces zhvillimi e sipër në qendër të kryeqytetit dhe realizimi me sukses i tyre do të varet nga shitja, duke pasur parasysh faktorë si tkurrja e popullsisë për shkak të emigracionit të theksuar vitet e fundit, pasojave të pandemisë nga ku u humbën 50,000 vende pune dhe një shtrese të mesme që e ka të vështirë t`i përballojë të tilla shpenzime.

Shqipëria ka një boshllëk të stokut për një shtresë të mesme të punësuar të cilët synojnë dhe përballojnë shpenzime mesatare për banesa deri ne 1,000 euro për metër katror.

/Euronews Albania

Postimi Vlera e ndërtimeve të reja në Tiranë! u shfaq në fillim në MARSIAL.

po kërkon hapësira bosh për zhvillim ose hapësira të ndërtuara për rizhvillim, të tipit tokë truall, tokë Ara, Kullota, Pyje, troje komplekse etj…

Ne pranojmë çdo sfidë. Kjo nuk do të thotë që vetëm ne do të punojmë për pronën tuaj. Ne përdorim sensin tonë të përbashkët, plus eksperiencën, profesionalizmin, dhe besimin në partnerët tanë për t’ju ndihmuar në arritjen e fitimeve maksimale dhe investimeve të ëndrrave tuaja sipas kohës dhe nevojës. Në ekipin tonë me një përvojë gati 20 vjet në zhvillim projektesh, menaxhim dhe ndërmjetësim, ne jemi të informuar mbi projektet e ardhshme ekonomike, energjikike, turistike, urbanistike, sociale, gjeo-politike,  dhe drejtimin e zhvillimit të vendit tonë dhe në rajon e më gjërë. Falë bashkëpunëtorëve dhe partnerëve tanë në këtë rrugëtim, ne jemi në gjendje të ndërmjetësojmë, të krijojmë dhe të menaxhojmë transaksionet mbi prona dhe projekte në investim në pothuajse të gjitha etapat e tyre.

Me anë të ndërmjetësimit tonë për zhvillimin e pronave dhe projekteve, përveç shitjes, blerjes, qirasë, ne mundësojmë edhe transaksione shkëmbimi: Prona juaj, në këmbim të një godinë me vlerë të shtuar të tregun e pasurisë së paluajtshme. Ne gjithashtu menaxhojmë edhe shitjen dhe qiranë sipas dëshirës suaj dhe kërkesës së tregut!

Agjensia Juaj e Pronave

Nëse jeni të interesuar, ne do të ishim të lumtur t’ju asistonim, ndihmonim, dhe këshillonim në investimin tuaj të ardhshëm. Ju premtojmë t’ju ndërmjetësojmë me profesionalizëm me eksperiencën tonë në transaksionet që kanë të bëjnë me pasuritë e patundshme (si shitja, blerja, qirajdhënia, qiramarrja dhe vlerësimi) apo edhe për projektet tuaja.

Sinqerisht,

Broker Msc. Ark. Silvana Demirxhiu

Administratore dhe Themeluese

MARSIAL Real Estate and Construction Consulting

Postimi Agjensia MARSIAL është e hapur për bashkëpunim! u shfaq në fillim në MARSIAL.